Wat is d'r besleutn op de Jaorvergaderege van 25 April 2023?

Kört aoverzich van de beluutn van de Jaorvergaderege 2023.

Op de Jaorvergaderege van de Dialektkringe Salland-OostVeluwe bint 'n paer beslissingn eneum die de leedn effm muttn ontholln! Arjan Stekken is ekeuzn as bestuurslid nao 'n jaor as aspirant mee eloopm te hebbm. Teunis van de Brink is veur vier jaor herkeuzn as Veurzitter van de club. Deur de oplopende kostn van de Moespot en bestuurleke zaekn geet de contrebutie per 1 januari 2024 de luch in nao €20,- per jaor. Aj wat geld aover hebt mag ie natuurlek ok meer geefm zodet ze wat extra kunt doen. Nao 't stoppm van de Wârkgroep Zwolle is 't bestuur gangs um te kiekn of ze 'n nieje groep "Salland" van de grond kunt kriegn. Daorin zoln ok de luu uut de Vechtstreek kunt instappm. Dit waern de belangriekste puntn die belangriek bint veur de leedn. Nieje plann of biedraegen bint altied welkom bie de schrifbeheerder. Effm 'n berichie naor Hannekelange@hotmail.com. Groetnisse van Hanneke



  Terug naar vorige pagina






  Website
  woordnboek D -> NL
  woordnboek NL -> D

Zo dom as 't achterende van een vвrkn