Schriefwedstried 2021 van Dialekt Wärkgroep Heerde/Waopmvelde saemp met Dialectkring Gemeente Epe!

De Winnaars van de Schriefwedstried 29021 bint bekend!

De jury hef zich beraodn en de winnaars van 2021 bint bekend.
Dit joar haddn 10 deelnemers zich emeld en der bint 3 prieswinnaars.
Deur de Covid19-regels was 't dit jaor anders as anders bie 't afgeefm van de prieze.
Met de Hulp van Radio794 konn de luu in de regio in 'n direkte uutzending de priesuutreiking volgn. Met de veurzitter van de Schriefwedstried, Ton van de Vosse, en de veurzitter van de Jury, Dick van der Veen ging de verslagever van RTV794 'n rundje maekn. Zie begunnen bie de 3e pries die bie Wim Visser in Epe terechte kwamp veur zien verhaal "Mien Jeugd". Met 't veurleezn van dit verhaal kreegn de luusteraars 'n beeld van 't verloop van zien jeugd. Daornao mos 't spul weer snel deur nao de Rozenhof waor Jan haas op det moment was um de 2e pries te kriegen veur zien verhaal Öpa". daormee wol jan anteunen det de streektaal niet aleent is um aover vrogger te praotn. Hij kik d'r mee nao de daegelekse zaekn zo vlak veur de verkiezingen. Daornao was 't toch weer effen spannend of 't spul wel optied bie de leste schriever, maer wel van de eerste pries, zol ankommen. Gelukkig was d'r niet te veule verkeer op de weg nao Heerde waor de Nestor van de Heerder-streektaal, Henk Dijkslag, helemaol klaor zat um 't verhaal det de eerste pries opléévern veur te lézen. Met de titel "n Ampârtn" beschreef Henk 'n persoon die op zien eegn wieze léévm en alle fratsn en gadgets an hum veurbie leut gaon. Maer toch zien plekke had in zien sociale umgeving. Die gien beroep deet op 't Naoberschap, maer 't gewoon kreeg van de buurte, asse 't neudeg had.
Verder heb d'r met edaon:

Tiem Bijsterbosch,Wapenveld met - Onrustige nacht.
Jan van Leeuwen, Heerde met - Gewis deur 't léven gaon.
Fennie Dekker, Emst met Posdoevm.
Linda Seinstra, Emst met Oma of oonze lieve Heer?
Jan Duinstee, Vaossen met De Aovendklokke.
Dick Dalhuisen, Heerde met Barre tied'n.

D'r was 'n speciale anmoedegingspries veur mevrouw Willien Paques uut Epe. Zie is met heur man ,n paer jaor trugge in Epe komn woon en zie bint toen gelieke bij Herman Visser op de inburgeringschoele ewes. 10 weken an de Streektaal pruuven was veur heur 'n hele belévenisse wat ze noe deurzet um 't schrieven onder de knie te kriegen. Vandaor de anmoedeging van de jury.
Wie bedank iederiene die hèf met edaon, en ok de veurzitter van de Jury en zien juryleedn.

Schriefwedstriedcommissie: "Wat Schrief ie daor?"
Dialectkring Gemeente Epe
Dialectgroep Heerde/Waopmvelde.

Namens de veurzitter,
A.A. Van de Vosse, Vorchten.



  Terug naar vorige pagina






  Website
  woordnboek D -> NL
  woordnboek NL -> D

De aomd uut praotn