Henk Diekslag gif de penne aover.

Bestuursuutreeding: Henk Diekslag vund det hie nao 28 jaor schriftbeheerder van de Dialektwärkgroep Heerde/Waopmvelde tied veur humzelf neudeg had. Naos de jaoren in de gemeenteraod was de 90 jaorege Diekslag al 72 jaor bezeg veur de gemeenschap. Altied bezeg veur um de luu ‘t rech op ‘n vatsoenlek inkomm te kriegn veur hun wärk en ok hun eign taal te moogn praotn. Daormee zich ok bewust van de tied um an zichself te gaon denkn. Veurzitter Jan van Leeuwen, mar ok de leedn bint bliej dat hie weh lid blif van de Wârkgroep.
Der was 'n enveloppe veur Henk en 'n mande met bloemm veur zien Gerrie. Henk Diekslag leut in zien toespraoke de luu effen meegaon van 't begin tut 't ende deur de gesprekkn met Preveensies en de ministers die, as ze weer in den Haag waern, alles vergaeetn waern. In 2018 was d’r ‘n nao 28 jaor deurbraak met ‘t tekenen van 't couvenant. Daor was Henk ârg bliej met. Veur hem was dat 'n heugtepunt veural umdet dat de weg der naortoe niet altied aover roozn gonk en hie det niet persoonlek kon metmaekn. Achter de graniums geet hie nog lange niet zittn. Alleneg um de schriefm of lèèzn. Maer aj hum neudeg hebt um as ter wat te vertaeln völt of andere dinge die belangriek bint veur ‘t Dialekt. Dan kump hie helpen, aj hum ophaelt met de oto. Of de spulln bie hum thuus brengt op de Wepedaorne in Heerde.



  Terug naar vorige pagina






  Website
  woordnboek D -> NL
  woordnboek NL -> D

Ik slaope achteran